Policia e Shkodrës ka zbuluar 5 parcela të mbjella me kanabis në zonat malore të Pultit, Shoshit, Bajzës, Shllakut dhe Kastratit, ku u gjetën gjithsej 4639 bimë narkotike. Të gjitha bimët u asgjësuan në vend.
Ndërkohë policia ka shpallur në kërkim 3 persona, të cilët dyshohet se kishin kultivuar një parcelë me 780 bimë në fshatin Bajzë.
Ata akuzohen gjithashtu se kishin lidhur në mënyrë të paligjshme energjinë elektrike për të ushqyer kultivimin.
Ndërkohë, 5 kryepleq fshatrash dhe 2 banorë të tjerë janë proceduar penalisht për “shpërdorim detyre” dhe “moskallëzim krimi”.
Konkretisht, kryepleqtë e fshatrave Gimaj, Vuksanaj dhe Nicaj, P. Sh., K. Gj. dhe M. M., akuzohen se nuk kanë raportuar parcelat e kultivuara.
