Kreu i Këshillit Kombëtar të Partisë Demokratike, Edi Paloka, ka reaguar pas miratimit të programit të qeverisë nga Parlamenti në vetëm pesë minuta.
Përmes një postimi në Facebook, Paloka akuzoi kryeministrin Edi Rama për veprime arbitrare dhe shkelje të Kushtetutës.
Sipas tij, veprimet e qeverisë janë tregues i qeverisjes autoritare të Ramës dhe nevoja e opozitës për veprime konkrete kundër shkeljes së ligjit dhe institucioneve.
“E shpërndau sot ‘mreti’ Parlamentin! Përfundimisht! Kemi 12 vjet që denoncojmë skandalet, krimin, korrupsionin… E çfarë ndryshon? Asgjë! Ata vazhdojnë të vjedhin, të shkatrrojnë, të poshtërojnë, nuk njohin ligjet dhe Kushtetutën që vetë kanë votuar. Diktaturat nuk ikin as me fjalë e as me farsa zgjedhore!”, shkruan Paloka.
