Deputetja e Partisë Demokratike, Ina Zhupa, përpara hyrjes në Kuvend, komentoi rregullat e reja që pritet të vendosen lidhur me informimin e medias brenda dhe jashtë ambienteve parlamentare.
Zhupa theksoi se masat e propozuara synojnë të kufizojnë punën e gazetarëve, duke i cilësuar ato si një formë censure.
“Informacioni është arma më e rëndë kundër pushtetarëve. Ky Kuvend nuk bën ligje për të zgjedhur të drejtat tuaja dhe të qytetarëve, por merr vendime për t’ju censuruar. Çdo ditë këtu ke ndonjë sulm apo masë represive ndaj gazetarëve. Kjo duhet të ndalet dhe duhet bërë avokati për të drejtat e medias dhe gazetarëve”, deklaroi Zhupa.
