Policia e Kukësit ka vënë në pranga dy persona të dyshuar për një ngjarje të rëndë kriminale të ndodhur më 5 shtator 2025, në lagjen nr. 5 të qytetit.
Sipas njoftimit zyrtar, ngjarja ka ndodhur rreth orës 21:00, kur pas një konflikti për motive të dobëta, është qëlluar me armë zjarri në drejtim të shtetasit H. A.. Fatmirësisht, nga të shtënat nuk pati persona të lënduar.
Pas hetimeve, policia bëri të mundur identifikimin dhe arrestimin e autorit të dyshuar, shtetasit Frank Dida, 47 vjeç, banues në fshatin Pobreg.
Ai rezulton i dënuar më parë për armëmbajtje pa leje dhe tashmë akuzohet për veprat penale “Vrasja”, mbetur në tentativë, dhe “Mbajtja pa leje e armëve, armëve shpërthyese dhe municionit”.
Në kuadër të operacionit u arrestua edhe djali i motrës së tij, shtetasi S. J., 23 vjeç, banues në Kukës, i cili akuzohet për “Moskallëzim krimi”, pasi dyshohet se ka qenë i pranishëm gjatë ngjarjes dhe nuk ka njoftuar autoritetet.
Të shtëna me ar*ë zjarri në Kukës, sherri nisi për një vend parkimi
