Forcat izraelite bombarduan gjatë natës Spitalin e Fëmijëve Al-Rantisi në qytetin e Gazës, duke detyruar evakuimin e 40 pacientëve. Sulmi ka goditur tre herë objektin brenda disa minutave, sipas Zyrës së Shtypit të qeverisë së Hamasit në Rripin e Gazës.
Spitali Al-Rantisi, i vendosur në lagjen Nasser, është i vetmi institucion i specializuar në rajon për trajtimin e fëmijëve dhe ofron shërbime të onkologjisë, dializës, si dhe trajtimin e sëmundjeve të frymëmarrjes dhe tretjes. Në objekt ndodhen rreth 80 pacientë, përfshirë katër njësi të kujdesit intensiv pediatrik dhe tetë njësi të kujdesit intensiv neonatal.
Autoritetet palestineze e kanë cilësuar sulmin si pjesë të “politikës sistematike të pushtimit izraelit për të paralizuar sistemin e kujdesit shëndetësor”, ndërsa evakuimi i pacientëve po kryhet nën masa të rrepta sigurie.
