Ish-kryeministri Sali Berisha nëpërmjet një postimi në rrjetet sociale ka kritikuar dekretimin e ministres virtuale Diella nga presidenti Bajram Begaj.
Kreu i PD e cilëson atë si “vjedhjen personale të Ramës”, ndërsa Begajn e quan një president kukëll që dekretoi një krim kushtetues.
Sipas Berishës, kjo nismë është krijuar nga AKSHI dhe funksionon si “kopshti personal i familjes Rama”, duke përdorur truket më të sofistikuara për të shmangur përgjegjësitë individuale në rastet e keqpërdorimeve dhe vjedhjeve.
“Diella është një mashtrim i hapur, një skemë që i shërben vetëm interesave private të kryeministrit. Dekreti i presidentit për këtë projekt është një akt i paprecedent dhe një krim i rëndë kushtetues, për të cilin askush nuk do të marrë përgjegjësi”, tha Berisha gjatë deklaratës së tij.
