Kryedemokrati Sali Berisha foli sot jashtë ambienteve të SPAK për gjyqtaren Irena Gjoka. Teksa tha se është një nga gjyqtaret që punon për interesa politike, Berisha theksoi se Irena Gjoka e ka vendin në burg dhe jo në sallën e gjyqit.
Më tej ai tha se kreu i SPAK, Altin Dumani po mbron Irena Gjokën për arsye politike.
Berisha tha se ndonëse ai paraqiti në maj dokumente që faktojnë aktet që penalizojnë gjyqtaren, KLGJ nuk ndërmori asnjë veprim për të përjashtuar Irena Gjokën nga detyra.
Sali Berisha: Kjo nuk lidhet vetëm me Altin Troplini por edhe me Irenën me pesë mbiemra, me simotrën e tij siameze. Kur unë paraqita në maj dokumentin me vulën apostile, këta zotërinjtë thanë se nuk e kemi marrë zyrtarisht. Këta nuk ndërmorën asnjë veprim që KLGJ ta nxirrte nga detyra Irenën me pesë emra dhe të çonte për ndjekje penale.
Prokuroria i ka kërkuar Greqisë dokumentin me apostile që ne e e kishim… Altin Troplini hap çështje penale për ta mbrojtur siç ka bërë me McGonigal…kriminele që e ka vendin në qelinë e burgut dhe jo në sallën e gjyqit. Ai e mban në sallën e gjyqit për interesa politike. Kemi të bëjmë me një delikuent që bëri çdo pazar nga frika dhe tmerri i tij për të zgjatur mandatin, por dështoi.
