Një i ri nga Fushë-Arrëzi është zhdukur pa gjurmë që prej 13 shtatorit. Bëhet fjalë për shtetasin Elkrist Kola, 22 vjeç, i cili është larguar nga banesa ditën e shtunë dhe nuk është kthyer më.
Babai i tij, shtetasi Z. Kola, 63 vjeç, ka kallëzuar ditën e djeshme në Polici, ku ka kërkuar ndihmën e autoriteteve për gjetjen e të birit. Policia njofton se po punohet për gjetjen e të birit.
Mësohet se sipas familjarëve, Elkrist Kola është parë për herë të fundit në Luf të Pukës. Ditën që është zhdukur ai ishte i veshur me xhins ngjyrë kafe, tuta sportive të zeza dhe atlete të zeza.
