Ish-mesfushori i Skënderbeut, Nazmi Gripshi po kalon një formë të shkëlqyr dhe vazhdon të jetë një nga emrat kryesorë të skuadrës së Astanës në Kazakistan, ku me paraqitjet e tij është kthyer shumë shpejt në një ndër idhujt e tifozerisë.
Në javën e 23-të të kampionatit, Astana nuk shkoi më shumë se një barazim 3-3 në shtëpi përballë Yelimay Semey, por dy gola të ekipit vendas mbajnë firmën e futbollistit shqiptar.
Fillimisht Nazmi Gripi e kaloi në avantazh për 1-0 Astanën që në minutën e ’14 të takimit, ku me një gjuajtje që nga krahu i majtë e çoi topin në trekëndëshin e krahut të djahtë.
Ndërkohë, mesfushori shqiptar e kaloi sërish avantazh Astanën në minutën e ’61, me një gol të ngjashëm me të parin, duke e çuar rezultatin momental në 3-2. Ndërkohë, ekipi mik 3 minuta më vonë barazoi sërish, duke e çuar rezultatin përfundimtar në 3 me 3.
Me dy rrjetat e sotme, Nazmi Gripshi vazhdon të kryesojë listën e golashënuesve në kampionatin e Kazakistanit me 13 gola, 3 më shumë sesa ndjekësi më i afërt, ndërkohë që ka realizuar edhe 5 asiste.
Ndërkohë, Astana me barazimin e sotëm humbi vendin e parë në kampionat, pasi ndodhet në kuotën e 47 pikëve, dy më pak se Kairat Almaty, i cili fitoi sot 1-0 përballë Aktobe.
Nazmi Gripshi u transferua tek Astana një vit më parë, pas tre sezonesh të sukseshme me fanellën e Ballkanit, si në kampionat, po ashtu edhe në grupet e Ligës së Konferencës, teksa u shpall edhe lojtari i sezonit. Më herët ai ka veshur fanellën e Teutës dhe Skënderbeut në kampionatin shqiptar.
28-vjeçari ka qenë gjithmonë në listën e pritjes të trajnerit të kombëtares shqiptare Silvinho, por deri më tani nuk e ka marrë asnjherë një ftesë për tu grumbulluar me kombëtaren A të Shqipërisë, pasi është aktivizuar me ekipet e moshave deri tek Shpresat U-21.
GOLAT E SOTËM TË NAZMI GRIPSHIT
View this post on Instagram
View this post on Instagram
