Gazetari Genc Burimi, ka komentuar asamblene e sotme te PS, dhe kabinetin e ri qeveritar.
Burimi u shpreh se Rama në një moment, duke e përshkruar si batutë, masakroi live dy ministra – ministrin e Brendshëm dhe ministrin e Jashtëm.
“Ky vend s’ka nevojë për parlament, sepse këto lloj maskarallëqesh normalisht i bëjnë deputetët”, tha Burimi, duke e cilësuar sjelljen e kryeministrit si një ofendim për institucionet demokratike.
Sipas gazetarit, Rama po degradon gjithçka, nga emërimi i ministrave tek funksionimi i opozitës. “Më dukej sikur isha në Dubai ose Katar, ku një sulltan ka gjithçka dhe i flet popullit për parlament, qeveri, ushtri dhe diplomaci sipas dëshirës së tij. Ky është një sundim i tmerrshëm dhe totalitar,” tha Burimi.
Ai shtoi se Rama po planifikon zvogëlimin e numrit të deputetëve dhe po manipulon zgjedhjet e ardhshme: “Në këtë vend, opozita nuk ekziston. Çfarëdo që bëjnë ata, Rama ka gjithmonë një kurth për ta, duke humbur zgjedhjet dhe duke u justifikuar si fitues ndaj Evropës.”
Gazetari theksoi gjithashtu se qeveria po imitonte modele të huaja për përfitime personale: “Si funksionon Dubai, po e imiton Rama, duke përdorur investime të huaja për përfitime të qeverisë dhe klientëve të saj. Porti i Durrësit është një shembull i investimeve arabe që janë shfrytëzuar politikisht.”
Burimi:
Rama në një moment, e tha si batutë, por masakroi live 2 ministra, masakroi live ministrin e Brendshëm dhe ministrin e Jashtëm.
Unë them se ky, po tregon se ky vend s’ka nevojë për parlament se këto lloj malgësirash normalisht i bëjnë deputetët.
Ky sot po bënte në një fjalim, edhe emërimin e ministrave, edhe opozitën, ja çfarë nuk ecën… po të vish nga marsi, thua këtu nuk ekziston më asnjë gjë.
Më dukej sikur isha në një Dubai, në një Katar, ku ky është një sulltan, ka gjithçka, të flet për parlamentin, të flet për qeverinë, flet për ushtrinë, flet për diplomacinë, për Evropën, emëron kryetarin e parlamentit, kjo është e tmerrshme.
Në një moment pastaj tha: do zvogëlojmë numrin e deputetëve, do bëjmë zgjedhje muajin e ardhshëm.
Të vish nga jashtë thuash që në këtë vend, opozita nuk ekziston.
Dhe prandaj kjo opozitë sot ka një kurth të madh, prandaj s’duhet të humbasë kohë shumë të komentojë qeverisjen, sepse edhe njëherë po i vjen asaj një kurth i jashtëzakonshëm, zgjedhjet e Tiranës, dhe po i humbi, do thotë Rama, e shikon do i thotë Evropës, i bëmë zgjedhjet, prapë i humbën, ky është kurthi i madh.
Si funksionon Dubai, se ky Dubain imiton, sot atë zonjën që keni në qeveri, Ballukun, prej Dubait e keni, sepse ajo bëri portin e Durrësit, çfarë janë investime arabe, me të janë bërë.
