Asambleja Socialiste po zhvillon punimet në Pallatin e Kongreseve.
Rreth 350 anëtarë të mbledhur, po dëgjojnë fjalimin e kryesocialistit Edi Rama. Rama e nisi me situatën në Bashkinë e Tiranës pas arrestimit të Erion Veliajt ku u shpreh se situata e krijuar “nuk mban më”.
“Do të na duhet që të adresojmë këtu edhe emergjencën në drejtimin e Tiranës për arsyen e ditur botërisht. Nuk mban më, por duhet të them që në fillim sa më qartë atë që besoj se duhet të ndajmë të gjithë së bashku për çështjen e drejtësisë dhe raportin tonë me të. Nuk kemi hyrë në asnjë rast në meritën e drejtësisë, aq më tepër ku drejtësia nuk e ka thënë deri në fund fjalën e saj. Nuk kemi bërë avokatin e kujto, të familjes së madhe politike që ndalohet nga drejtësia. Nuk do të kemi asnjë pendesë për lirinë dhe pavarësinë që i kemi dhënë drejtësisë në reformën në drejtësi. Përmes reformës i kemi larguar me vetëdije të plotë duart e ekzekutivit nga çdo proces seleksionim zgjedhje apo shkarkimi i prokurorëve dhe gjyqtarëve. Ia kemi lënë pushtetit gjyqësor që të zgjidhë vetë punët e veta,” tha Rama.
Në përfundim të tij, kryeministri do të shpallë edhe emrat për qeverinë e re.
Pas mbledhjes në Asamblesë, po në Pallatin e Kongreseve, kryesociaalisti Rama do të mbledhë grupin parlamentar të dalë nga zgjedhjet e 11 majit.
