Kryekomisioneri Ilirjan Celibashi zhvilloi një bashkëbisedim me gazetarët pasi rezultati i zgjedhjeve të 11 Majit është certifikuar përfundimisht.
Në komunikimin me gazetarët, Celibashi tha se nisur nga zgjedhjet e fundit, është e nevojshme që të bëhen disa ndryshime. Ai propozoi 14 pika që sipas tij, duhet të meren në konderatë për reformën zgjedhore.
Sipas Celibashit, në kuadër të një reforme reale të plotë e të vërtetë, partitë politike duhet të rikonsiderojnë së pari, organizimin e komisioneve të niveleve të dyta dhe të treta. Ai shprehet se përbërja partiake e këtyre komisioneve ka treguar se është dështim sa i përket administrimit profesiaonal dhe integritetit të procesit.
“Pak kohë ka kaluar nga momenti kur janë zhvilluar këto zgjedhje por ky proces, por edhe zgjedhjet e më përpara, në mënyrë të arsyetuar ne na nxisin për të sjellë në vëmendje të politikës dhe kuvendit, që pritet të konstituohet në këtë fundjavë, disa prej aspekteve që ne mendojmë se do të duhet të vendosen në axhendë prioritare. Çështja e integrimit është prioritet jo vetëm për qeverinë por edhe për kuvendin, por në kuadër të kësaj, unë vlerësoj se do të duhet të adresohen shumë çështje që kanë të bëjnë me organizimin e zgjedhjeve, duke filluar nga ato që kanë të bëjnë me aspektin administrative dhe të tjera. Do të duhet në kuadër të një reforme reale të plotë e të vërtetë, partitë politike të rikonsiderojnë së pari, organizimin e komisioneve të niveleve të dyta dhe të treta. Përbërja partiake e këtyre komisioneve ka treguar se është dështim s ai përket administrimit profesiaonal dhe integritetit të procesit. Duhet të konsiderohen rregullat që lidhen me financimin e partive. Ka nevojë për qartësui dhe plotëshmëri. Rrregullat për financimin e palëve të treta dhe eksperienca e këtyre zgjedhjeve ka konfirmuar nevojën për të adresuar këtë cështje.
Duhet të konsiderohen rregullat që lidhen me fushatën eklektorale, përfshirë këtu edhe fushatën në rrjete sociale dhe internet. Janë dy aspekte që sot gjenden të parregulluara në legjislacionin shqiptar, Duhet të rikonsiderohen rregullat me veprimtarinë e funksionarëve publikë në një periudhë të caktuara para datës së zgjedhjeve. Në zgjedhjet e fundit, mendoj se duhet të ketë një raport më të qartë mbi kufijtë e veprimit të institucioneve publike në këtë periudhë që do të përcaktohet si e rregulluar në rastin e sjelljes dhe veprimtarisë së institucioneve. Të kemi të qartë kufijtë ndërmjet detyrimit dhe të drejtës së tyre për të zhvilluatr veprimtarinë në përputhje me parashikimet e ligjit dhe kompetencën që ligji iu ngarkon, me angazhimin e tyre dhe ndalimin për t’u angazhuar në veprimtari elektorale.”, theksoi Celibashi.
Celibashi u pyet në lidhje me denoncimet që Partia Demokratike ka bërë kryesisht për qarkun e Fierit, ku sipas saj është manipuluar vota.
Sipas Ilirjan Celibashit vetë autoritetet e drejtësisë për disa raste kanë nisur hetimet, ndërsa u shpreh se KQZ në bazë të kodit zgjedhor po këqyr materialet zgjedhore dhe ka gati kallëzimin për ata komisionerë apo punonjës që kanë cënuar procesin zgjedhor.
“Ata komisionerë që janë sot janë totalisht jashtë autoritetit dhe përgjegjësisë së KQZ, ata janë njerëz partiak. Vetë partitë në kërkesat që ata bënë pas mbylljes së procesit konfirmuan mungesën e besimit tek ata njerëz. Ato pamje ndoshta nuk ka nevojë se mundet në ato pamje organet e ndjekjes penale të fillojnë procesin penal dhe në disa raste mesa di unë kanë filluar. Ne jemi në proces dhe sic e përcakton kodi zgjedhor do fillojmë procesion e këqyrjes së materialeve zgjedhore dhe do adresojë në organin e prokurorisë ato raste si të komisionerëve, të operatorevëe te PEI apo funksionarëve të tjerë që nuk kanë respektuar kërkesat e ligjit dhe dukshëm kanë kontribuar në cënimin e këtij procesi zgjedhor. Jemi duke përgatitur materialin përkatës kallëzues”, tha Celibashi.
