Deputeti i zgjedhur i PD, Belind Këlliçi ka konfirmuar se grupi parlamentar i PD do të hyjë i bashkuar në parlamentin e ri të dalë nga zgjedhjet e përgjithshme të 11 majit.
I ftuar në News 24, Këlliçi sqaroi se mbledhja e kryesisë që do të mblidhet të mërkurën, do të vendosë se si do të jetë qëndrimi i PD në raport me mandatet dhe qasjen me parlamentin.
Këlliçi: Do të ndodhë ajo që kemi thënë, i mbetet forumeve të vendosë se çfarë do të ndodhë
Grupi shkon me unitet në parlament, si rrallëherë nuk ka rrjedhje bisedash apo diskutimesh nga brenda takimeve. Mbledhjet e brendshme kanë prodhuar shumë debat të brendshëm dhe është pozitive. Kryesia do të përcaktojë vendimin politik për momentin dhe në momentin e dytë do të mblidhet Këshilli Kombëtar.
Unë do të doja që të ketë dhe një kuvend i PD që të kemi mundësi të flasim dhe me anëtarësinë dhe me elitën, në raport jo vetëm me parlamentin sepse kjo mbledhje e së mërkurës do të jetë me marrjen e mandateve apo jo dhe me qasjen që do të ketë PD në parlament.
Do të pritet dhe raporti I OSBE-ODIHR dhe do të kemi mbledhjen e forumeve të larta të PD.
