Një 28-vjeçar është proceduar nga policia në Shkodër, pasi është kapur në flagrancë duke transportuar katër emigrantë të paligjshëm.
Policia bën me dije se 28-vjeçari i dënuar më parë për veprat penale “Ndihma për kalim të paligjshëm të kufirit” dhe “Drejtimi i automjeteve në mënyrë të parregullt”, iu kishte premtuar 4 emigrantëve kalimin nga Gjirokastra në drejtim të kufirit me Malin e Zi, për shumën e 1500 eurove për person.
I riu do të akuzohet për veprën penale “Kalimi i paligjshëm i kufirit shtetëror”.
“Gjatë operacionit u arrestua në flagrancë shtetasi A. M., 28 vjeç, banues në Tiranë, i dënuar më parë për vjedhje, për veprat penale “Ndihma për kalim të paligjshëm të kufirit” dhe “Drejtimi i automjeteve në mënyrë të parregullt”.
Në afërsi të rrethrrotullimit “5 Heronjtë e Vigut”, shërbimet e Policisë kanë lokalizuar 28-vjeçarin duke drejtuar, pa leje drejtimi, një automjet tip “Audi”, me të cilin po transportonte 4 emigrantë drejt kufirit me Malin e Zi.
Nga verifikimet e kryera, ka rezultuar se 28-vjeçari i arrestuar iu kishte premtuar transportimin nga Gjirokastra në drejtim të kufirit me Malin e Zi, kundrejt pagesës 1500 euro për person, 4 emigrantëve që kishin hyrë në mënyrë të paligjshme në Shqipëri.
Në vijim të veprimeve, nisi procedimi në gjendje të lirë për 4 emigrantët, për veprën penale “Kalimi i paligjshëm i kufirit shtetëror””, thuhet në njoftimin e policisë.
