Sali Berisha, gjatë prononcimit për mediat jashtë ambienteve të SPAK, ka deklaruar se drejtori i komunikimit në Kryeministri, Endri Fuga është arratisur.
Sipas Berishës, arratisja e Endri Fugës ka ndodhur pas dëshmisë që ai ka dhënë në SPAK, për restorantin “The Home”, i ndodhur në një vilë të rinovuar dykatëshe në zemër të Pazarit të Ri në Tiranë. Restoranti është në pronësinë e bashkëshorteve të Arbjan Maznikut dhe Endri Fugës, Marinela Lika me 50% të aksioneve dhe Besa Fuga me 50%.
Një artikull kundër tij, Berisha e konsideroi si të porositur nga Endri Fuga.
“Dhe në atë deklaratë, të shkruar në zyrat e Endri Fugës që më duket se… a dini gjë ku është Endri Fuga? Më thoni pak. Si nuk guxoni të thoni një fjalë për të arratisurit? A e dini se u thirr këtu për restorantin e tij dhe ia mbathi. Ku janë mediat, shtroj pyetjen unë? Pra, shkrim i porositur nga Endri Fuga. Më 4 mars pra deklarata që më anatemonin mua me të gjitha epitetet. KLGJ me një pasion të madh shumë.” – tha Berisha.
