Ministri i Brendshëm i Serbisë dhe njëherazi zëvendëskryeministër, Ivica Daçiç, është kërcënuar përmes një zarfi brenda të cilit ishin futur tre plumba.
Sipas mediave serbe, zarfi kishte mbërritur në adresën e tij më 26 gusht, ndërsa plumbat u zbuluan gjatë kontrollit me skaner. Policia ka arritur të identifikojë personin që e dorëzoi.
Daçiç njihet si një nga njerëzit më të afërt të presidentit serb, Aleksandar Vuçiç, dhe është vënë shpesh në qendër të kritikave dhe polemikave, sidomos muajt e fundit, kur tensionet dhe protestat në vend janë rritur.
