Jorgo Goro, ish-kryetari i bashkisë së Himarës, është liruar nga burgu pasi ka përfunduar së vuajturi dënimin për shpërdorim detyre dhe fshehje pasurie.
Ai është liruar më 12 gusht, pasi sipas përllogaritjeve të ditëve të qëndrimit në qeli e kreu dënimin me 2 vite e 20 ditë të dhënë nga Gjykata e Shkallës së Parë. Me gjykim të shkurtuar ai u dënua me 1 vit e 4 muaj.
Dënimi për Goron u dha rreth një muaj më parë, ndërsa ai vazhdonte të qendronte në qeli që prej arrestimit të marsit të vitit të kaluar.
Jorgo Goro u akuzua për shpërdorim detyre në bashkëpunim me ish-drejtorin e tokës dhe menaxhimit të pronës në Bashkinë Himarë, Vasillaq Strakosha, i cili është gjithashtu i pandehur në këtë çështje.
Dosja është ngritur pas kallëzimit të Fredi Belerit, i cili pretendon se në vitin 2016, Goro ka tjetërsuar një sipërfaqe prej 4,263 m² tokë, duke ia kaluar atë Arqile Bollanos, i komanduar si pasues në krye të Bashkisë Himarë.
LEXO EDHE:
Pronë e fshehur e Jorgo Goros, Apeli konfiskon apartamentin e Gent Sulës të “Kodrës së Diellit”
Dënohet me 2 vite e 20 ditë burg ish-kryebashkiaku i Himarës, Jorgo Goro
