Një histori prekëse ka bërë xhiron e mediave në Gjermani, ku një baba shqiptar arriti të ribashkohej me vajzën e tij pas shumë vitesh kërkimesh.
Kadri Mahmuti u bë baba në Paris në vitin 1979. Por kur vajza e tij, Hamide, ishte vetëm dy vjeç, nëna e saj u shpërngul në Portugali, duke i lënë Kadrisë frikën më të madhe: se nuk do ta shihte më kurrë të bijën.
Pas dekadash kërkimesh, Kadri iu drejtua emisionit gjerman “Bitte melde dich” të moderatores Julia Leischik, që ndihmon njerëzit të ribashkohen me familjarë të humbur.
Në episodin e transmetuar, ai arriti të gjejë Hamiden e tij, duke përjetuar një ribashkim emocionues pas shumë viteve ndarje.
