Një 27-vjeçar shqiptar u arrestua në Perugia, Itali pasi u kap me mbi 100 doza kokaine dhe 5 mijë euro.
I dyshuar si pjesë e një rrjeti trafiku në zonë, shqiptari u kap në një parking ndërsa po drejtonte makinën dhe sapo kishte shitur dozën e radhës të kokainës një klienti, raportojnë mediat italiane.
Në makinë oficerët gjetën 9 pako kokaine me peshë afërsisht 6 gramë dhe 245 euro cash, të cilat besohet të jenë të ardhurat nga trafikimi i drogës.
Kontrolli i mëvonshëm i banesës zbuloi 96 pako të tjera kokaine, një peshore precize, materiale paketimi dhe 4,645 euro në kartëmonedha me prerje të ndryshme.
Sasia e sekuestruar tregon për një numër të konsiderueshëm blerësish dhe një rrjet të strukturuar të shpërndarjes së drogës në zonë.
