Një aksident automobilistik është regjistruar pasditen e sotme, rreth orës 15:30, në aksin rrugor Lushnjë–Berat, pranë zonës së Karbunarës.
Nga informacionet paraprake mësohet se dy automjete, një Audi me targa AB015 SV dhe një furgon i vogël, janë përplasur me njëri-tjetrin. Mësohet se “Audi” ka tentuar të kalojë në krahun tjetër të rrugës, në një moment kur minifurgoni po kryente një parakalim. Përplasja mes mjeteve ka bërë që furgoni të dalë nga rruga.
Si pasojë e aksidentit ka mbetur një person i plagosur i cili është dërguar me urgjencë në spitalin e Lushnjës për të marrë ndihmë mjekësore.
Policia ndodhet në vendin e ngjarje, ku po kryen veprimet hetimore dhe po normalizon qarkullimin.
