Ka përfunduar pjesa e parë e ndeshjes mes Qarabag dhe Shkëndijës së Tetovës në Baku, ku skuadra shqiptare po pëson një humbje të thellë me rezultatin 4-1.
Shkëndija nisi mirë sfidën duke kaluar në avantazh në minutën e 10-të, falë golit të realizuar nga Tamba. Por gëzimi i ekipit tetovar zgjati pak, pasi në minutën e 16-të vendasit barazuan rezultatin pas një autogoli të Cakes.
Qarabagu kaloi në avantazh në minutën e 18-të me golin e Kady Borges, ndërsa në minutën e 33-të Akhundzade shënoi golin e tretë për ekipin vendas.
Vetëm dy minuta më vonë, Jankovic realizoi golin e katërt për Qarabag nga një 11-metërsh, duke thelluar edhe më shumë epërsinë në këtë ndeshje me Qarabag që kryeson 5-1 duke marrë parasysh edhe takimin e parë.
