PSG ka nxjerrë jashtë planeve portierin Gianluigi Donnarumma dhe vendimi i fundit lë pak vend për diskutime.
Portieri italian, një nga protagonistët kryesorë të ecurisë fantastike që u kurorëzua me fitoren e Ligës së Kampioneve, është lënë jashtë skuadrës për ndeshjen ndaj Totenhemit, të vlefshme për Superkupën e Europës.
Parisienët kanë blerë Lukas Shevalie nga Lila dhe për ta është e qartë se do të jetë ai portieri i të ardhmes.
Ndaj në planet e Luis Enrike, Donnarumma nuk shihet më si një opsion. Por pak kush priste që ndarja mes palëve të vinte në këtë mënyrë kaq publike.
Tashmë është e qartë se portieri do të kërkojë një sistemim tjetër gjatë kësaj vere, ose të presë qetësisht verën e vitit 2026, kur i mbaron kontrata me klubin parisien dhe mund të largohet si futbollist i lirë, edhe pse kjo do të nënkuptonte një vit pa u aktivizuar nga gardiani i Italisë, në prag të Botërorit.
⚠️ Paris Saint-Germain exclude Gigio Donnarumma from their squad for UEFA Super Cup.
Donnarumma will not sign new deal at PSG, there’s no agreement and he will 100% leave the club, this summer or in 2026 as free agent.
Gigio’s camp feel it’s unfair situation for the GK. pic.twitter.com/ILk5g9IZQ3
— Fabrizio Romano (@FabrizioRomano) August 11, 2025
