Giacomo Raspadori është një futbollist i Atletico Madrid. Sulmuesi i përfaqësueses italiane, ka vendosur të largohet nga napolitanët, për t’u vënë nën urdhrat e Diego Simeones në radhët e Atletico Madrid.
Transferimi është bërë për një kuotë fikse prej 22 milionë eurosh, plus 4 milionë euro të tjera me bonuse dhe klauzola në bazë të arritjeve.
Ai ka firmosur deri në vitin 2030 me spanjollët, ku pritet të jetë një alternativë e rëndësishme për fazën ofensive të madrilenëve.
Një rrogë prej 4,5 milionë eurosh bruto ishin të mjaftueshme për të bindur futbollistin të ndërronte ambient.
Kësisoj, Napoli heq një peshë që kishte filluar të bëhej problematike në stol për shkak të opinionit sportiv që kërkonte aktivizimin e rregullt të tij.
Ndërsa Simeone merr një lojtar 25-vjeçar, i cili ashtu si afrimet e tjera të këtij edicioni, duket se do të jenë pjesë e ciklit të ri që po ndërton ai në Madrid.
