Policia e Durrësit ka arrestuar 46-vjeçarin Alban Domin pasi dyshohet se ndihmoi në kushëririn e tij E. D të qëllonte me armë zjarri një person që i parakaloi me makinë.
Ngjarja ka ndodhur më 3 gusht në autostradën “Durrës-Tiranë”.
Alban Domi akuzohet se drejtonte makinën nga ku u qëllua drejt automjetittjetër, ndërkohë personi që dyshohet se qëlloi me armë është ende në kërkim.
“Specialistët për Hetimin e Krimeve të Rënda, në vijim të veprimeve hetimore dhe operacionale të kryera në lidhje me ngjarjen e datës 03.08.2025, në autostradën “Durrës-Tiranë”, ku u qëllua me armë zjarri, në drejtim të automjetit me të cilin lëvizte shtetasi L. Sh., ndaluan shtetasin A. D., 46 vjeç, banues në fshatin Xhafzotaj (kushëri i të shpallurit në kërkim), pasi dyshohet se drejtonte automjetin nga ku qëlloi me armë zjarri, shtetasi E. D. Punohet intensivisht për dokumentimin e përgjegjësisë penale të shtetasit A. D., si dhe për kapjen e shtetasit E. D, i shpallur në kërkim.” – njofton policia.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
