Asociacioni i Gazetarëve të Shqipërisë (AGSH) i ka drejtuar një letër Komunitetit Ndërkombëtar lidhur me ndërprerjen e transmetimit të televizionit News24 pas ndërhyrjes së Policisë së Shtetit në ambientet e kësaj medieje më 9 gusht 2025.
Sipas AGSH-së, policia në bashkëpunim me punonjës të KAYO-s ka fikur pajisjet e transmetimit të News24 dhe ka ndaluar hyrjen e gazetarëve në redaksi, duke çuar në pezullimin e punës së redaksisë dhe ndërprerjen e aksesit të publikut në përmbajtjet mediatike.
Asociacioni shpreh shqetësimin për ndikimin që kjo situatë mund të ketë mbi lirinë e medias dhe mjedisin e punës për gazetarët në Shqipëri, duke theksuar se çdo ndërhyrje duhet të jetë në përputhje me proceset ligjore dhe me respektimin e parimeve të shtetit të së drejtës.
Në letrën drejtuar ndërkombëtarëve, AGSH kërkon rikthimin e aksesit në redaksi dhe normalizimin e transmetimit, si dhe transparencë lidhur me bazën ligjore të veprimeve të ndërmarra.
LEXO EDHE:
Qeveria i fiku sinjalin News24/ Gazetarët paralajmërojnë protestë: Alarm i fortë për demokracinë!
