Një traget me 105 pasagjerë në bordin e tij dhe një ekuipazh prej nëntë anëtarësh ka pësuar avari dhe ka ngecur në një tokë të thatë pasditen e kësaj të marte në një ishull shkëmbor në Gjirin Euboean në brigjet e Evias, Greqi.
Ngjarja raportohet se ka ndodhur në Nea Stira, teksa pasagjerët, të kapur nga paniku, zbriten me urgjencë me varka e jelekë shpëtimi, nga frika për fundosje.
Mediat greke raportojnë se të gjithë janë në gjendje të mirë shëndetësore dhe aktualisht po hipin në anije private, ndërsa një anije në det të hapur dhe dy anije patrullimi të Rojës Bregdetare po veprojnë në vendngjarje.
Sipas mediave greke mjeti lundrues paraprakisht njoftohet se kishte një rrjedhje të vogël uji. Në bord janë edhe 9 anëtarë të ekuipazhit.
“Nuk na u dhanë udhëzime, askush nuk na informoi, i gjetëm vetë jelekët e shpëtimit nën sedilje. Pamë një manovër nga kapiteni dhe thamë: “Çfarë po bën?” Menjëherë dëgjuam impaktin në shkëmbinj. Kur erdhi momenti i evakuimit, kapiteni tha nëpërmjet altoparlantëve: “Zbritni dhe hipni në varka”, u shpreh një pasagjer për mediat greke.
