Një person ka mbetur i plagosur me armë gjahu në orët e vona të mbrëmjes së djeshme në fshatin Bolenë të Vlorës.
Burime bëjnë me dije se i plagosuri është një bari (çoban), i cili dyshohet se është vetëplagosur me një armë gjahu, tip çifte. Ngjarja ka ndodhur në stanet ku ai ushtronte aktivitetin e tij si bari, ndërsa ende nuk dihen rrethanat e plota të incidentit.
Bariu është transportuar me urgjencë në spitalin e Vlorës dhe ndodhet nën kujdesin e mjekëve, teksa burime bëjnë me dije se ai ndodhet jashtë rrezikut për jetën.
