Klubi i Kukësit vazhdon të shtojë radhët me futbollistë që ka kërkuar trajneri Pajaziti si përforcime teksa sot ka prezantuar një tjetër emër. Huan Kulak, mesfushor nga Argjentina, u është bashkuar verilindorëve.
Një futbollist i dalë nga radhët e një klubi me emër si Atletiko Independente, por që pastaj nuk ka pasur shumë sukses në karrierën si profesionist teksa 23-vjeçari së fundmi ka qenë pjesë e klubit amator në Spanjë, Juventus Academy Lloret de Mar.
Njoftimi i Kukesit:
Juan Cruz Kulak zyrtarisht pjesë e Kukësit!
Me kënaqësi prezantojmë futbollistin Juan Cruz Kulak, 23-vjeçar me origjinë argjentinase, i cili i bashkohet ekipit tonë nën praninë e drejtorit sportiv Asuel Dervishaj.
Kulak ka kaluar më parë nga emra të njohur si Atlético Independiente, Union Santa Fe, si dhe Juventus Academy Lloret de Mar, duke sjellë me vete eksperiencë dhe talent që premton shumë për sezonin e ri.
Mirë se erdhe, Juan!
