Patrik Schick ka zgjatur kontratën e tij me Bayer Leverkusen. Ish-sulmuesi i Sampdorias dhe Romës është zotuar të qëndrojë tek “aspirinat” deri në vitin 2030.
Klubi gjerman e njoftoi lajmin në një deklaratë në faqen e tyre zyrtare të internetit:
“Bayer 04 Leverkusen ia ka zgjatur kontratën lojtarit çek Patrik Schick para kohe. Sulmuesi qendror ka nënshkruar një kontratë me nën-kampionët aktual të Bundesligës që vlen deri më 30 qershor 2030. Marrëveshja e mëparshme midis palëve vlente deri në verën e vitit 2027”.
Për këtë temë foli edhe drejtori sportiv, Simon Rolfes. “Me këtë zgjatje kontrate, ne po sigurojmë gjithashtu një lojtar të nivelit të lartë për ekipin tonë, me të cilin do të synojmë shumë” – tha ai.
Patrick Schick nuk do të kthehet kështu në Serie A pasi kujtojmë që çeku ishte i lidhur me një kalim te Milani ditët e fundit.
