Një incident i rëndë është regjistruar mesditën e sotme në lagjen “24 Maji” të Vlorës, ku një bombol gazi ka shpërthyer në një apartament, duke shkaktuar panik te banorët dhe dëme të konsiderueshme materiale.
Sipas informacioneve paraprake, bombola ndodhej në ballkonin e banesës në momentin e shpërthimit.
Si pasojë, janë dëmtuar rëndë fasada e godinës dhe disa pjesë të brendshme të apartamentit. Fatmirësisht, nuk raportohet për persona të lënduar.
