Juventusi është gjithnjë e më pranë objektivit të tij për repartin ofensiv: Randal Kolo Muani, lojtari që ka qenë prej kohësh prioritet për sulmin. Kontaktet e fundit me PSG kanë sjellë përparime konkrete, edhe pse marrëveshja përfundimtare ende mungon.
Kampionët francezë i kanë ulur kërkesat në rreth 50 milionë euro, ndërsa bardhezinjtë, me oferta të përsëritura, janë gjithnjë e më pranë. Po flitet për një huazim me detyrim blerjeje, me kushte shumë të lehta. Praktikisht një blerje e sigurt.
Nuk ka ende dakordësi totale për çmimin, por në “Continassa” mbizotëron optimizmi, falë edhe marrëdhënieve të shkëlqyera mes klubeve dhe dëshirës së vetë Kolo Muani, i cili ka konfirmuar se dëshiron të rikthehet te Juventusi pas huazimit me bardhezinjtë, eksperiencës në Kupën e Botës për Klube dhe 10 golave të shënuar nga janari në korrik.
PSG shpreson ende për një ofertë të “çmendur” nga Premier League, por sulmuesi vazhdon të jetë i lidhur me Juventusin. Klubi francez preferon shitjen përfundimtare, pasi kështu nuk zë një nga gjashtë vendet për huazimet ndërkombëtare të lejuara nga FIFA.
Kolo Muani nuk do të jetë me skuadrën në grumbullimin e Gjermanisë këtë fundjavë, por synimi i tij është të rikthehet në “Continassa” para 15 gushtit.
