Juristi Bledar Dervishaj ka komentuar sërish draftin e Kodit të ri Penal të propozuar nga Ministria e Drejtësisë.
Dervishaj tha se drafti për Kodin e ri Penal nuk ka qenë i konsoliduar mirë dhe se përmbajtja shpeshherë nuk përputhet me titullin që vendoset.
Ai shtoi më tej se në Kodin e ri Penal mund të gjenden edhe gabime për t’i komentuar. Juristi theksoi se kodi penal aktual ka pësuar 24 ndryshime në kohë të ndryshme dhe se ishte i nevojshëm për t’u realizuar.
“Drafti për kodin e ri penal nuk ka qënë i konsoliduar mirë. Një dispozitë penale ka përmbajtjen e saj dhe shpeshherë titulli nuk përputhet me të. Në kodin e ri Penal gjen plot gabime për t’i komentuar. Kodi penal aktual ka pësuar 24 ndryshime dhe mund të them se Kodi Penal ishte i nevojshëm dhe por jo urgjent. Qytetarët duhet që të kuptojnë kodin penal dhe se çfarë përmban ajo.
Drejtësia e re njëherë është e pavarur dhe njëherë me dy standarte dhe ndonjëherë mua më vjen keq edhe për gjyqtarët. S’duhet të mendohet për kod të ri penal, por për zgjedhje legjislative të cilat mund të na udhëheqin me dekada”, përfundoi Dervishaj në News24.
