Gjykata e Posaçme e Apelit ka hedhur poshtë ankesën e Arbër Veliajt, vëllait të kryebashkiakut të arrestuar të Tiranës, Erion Veliaj, lidhur me ligjshmërinë e kontrolleve të kryera nga SPAK në dhjetor 2024 në banesat dhe ambientet e bizneseve të tij.
Më herët, Gjykata e Lartë kishte pranuar rekursin e Veliajt dhe kishte urdhëruar rihapjen e çështjes për rishqyrtim nga i njëjti trup gjykues në Apel.
Megjithatë, edhe pas rivendosjes së çështjes në shqyrtim, Apeli vendosi të mos pranojë kërkesën për anulimin e kontrolleve.
Ndërkohë, Erion Veliaj dhe bashkëshortja e tij Ajola Xoxa po përballen me hetime nga SPAK nën dyshimet për korrupsion, pastrim parash dhe fshehje pasurie, së bashku me gjashtë biznesmenë të tjerë.
