Kodi i ri Penal ka ndezur sërish debatet mbi kufizimin e lirisë së shprehjes në vend, veçanërisht për ndikimin që mund të ketë tek gazetarët dhe komentuesit publikë.
Gazetari Genc Burimi e konsideron Kodin e ri Penalm, e cilësoi nismën si të rrezikshme dhe të papranueshme. Sipas tij, ndryshe nga shumë kolegë të tjerë, problematikat më të mëdha nuk qëndrojnë vetëm në përmbajtjen e nismës, por pikërisht në mënyrën se si është ndërtuar ajo.
Ai e quajti skandaloze këtë procedurë dhe hodhi dyshime mbi emërimet: “Kush e ka caktuar Arben Rakipin? Ulsi Manja? Kush, Edi Rama? Sepse Ulsi Manja në atë kohë s’ka qenë vetë ministër!?”
“Gjykoj se ky është një draft skandaloz, një provokim i rëndë, si nga pikëpamja e formës ashtu edhe e përmbajtjes.
Ndryshe nga shumë kolegë, më duket forma më e rëndë se përmbajtja, sepse një draft i tillë duke u nisur edhe nga eksperiencat perëndimore.
Në rastin aktual bëhet një reformë e jashtëzakonshme e një dokumenti të jashtëzakonshëm, që vjen për mua i dyti në radhë pas Kushtetutës dhe mësojmë nga ekzekutivi, pra nga Ulsi Manja, në një ditë behari që një person është caktuar, nuk e dimë nga kush, që quhet Arben Rakipi, që paska filluar që prej 5 vitesh, që prej COVID pra, punën për një draft të ri.
Po kjo është skandaloze, kush e ka caktuar Arben Rakipin? Ulsi Manja? Kush, Edi Rama? Se Ulsi Manja në atë kohë s’ka qenë vetë ministër!?
Pra gjeneza është një mëkat absolut.
Sa i përket përmbajtjes, rrallë herë si gazetar më është dhënë të shoh në këtë moment, sesa një unanimitet po krijon kundër kësaj, kjo përmbajtje e këtij drafti edhe tek gazetarë, tek analistë të kampit që shpesh mbrojnë qeverinë.
Kam në mend gazetarë që deri dje ishin ithtarë të mëdhenj të reformës në drejtësi, janë ithtarë të mëdhenj të asaj mazhorance, është e drejta e tyre, dhe këtë draft e quajnë skandaloz.”, tha Burimi në Syri TV.
