Prokuroria e Fierit ka liruar dy punonjësit e kompanisë Delvina Gas të arrestuar një ditë më parë nga policia me akuzën e ndërtimit të një TEC-i pa leje. Të lirë u lanë drejtori dhe inxhinieri i kompanisë “Delvina Gaz”, Luan Metaj dhe Elton Malkaj u arrestuan nga policia ditën e djeshme për një ndërtim 2000 m2.
Vendimi u mor nga prokurorja Esmeralda Basho.
Policia njoftoi ditën e djeshme se arrestimi i tyre u bë pasi gjatë kontrollit u konstatua se kjo kompani po ndërtonte një impiant gazi (TEC), në pronë publike, pa leje ndërtimi dhe zhvillimi nga organet kompetente.
Por akuzat janë hedhur poshtë nga kompania, e cila deklaroi se nuk ka ndërtuar TEC, por një impiant për pastrimin e gazit, i cili ka përfunduar tre vjet më parë.
Ndërkohë nuk dihet ende nëse prokurorja ka ndryshuar statusin për pronarin e kompanisë, biznesmenin Sokol Meqemeja, i cili një ditë më parë u shpall në kërkim nga policia.
Por lirimi i menjëhershëm i dy inxhinierëve të arrestuar në ambientet e shoqërisë koncesionare sinjalizon se i gjithë aksioni i policisë ka qenë më shumë një show se sa zbatim i ligjit.
LEXO EDHE:
