Qeveria ka ndërmarrë së fundmi një aksion kundër ndërtimeve pa leje, por duket se ata që po e pësojnë janë vetëm pronarët e objekteve dhe jo zyrtarët shtetërorë që dyshohet se janë korruptuar që i kanë lejuar që t’i ndërtojnë.
Policia e Beratit ka njoftuar ditën e sotme se kanë konstatuar në lagjen “Barrikadë” të qytetit, një objekt tre katësh të ndërtuar pa leje, të cilën pronari do e kthente në hotel.
Për rastin në fjalë, blutë e Beratit bëjnë me dije se kanë arrestuar vetëm pronarin e objektit, shtetasin Arjan Gorica, 30 vjeç, banues në Berat.
Ndërkohë, në njoftim nuk thuhet në asnjë rresht nëse a po vijnë hetimet për dyshimet se si u lejua një ndërtesë tre kate të ndërtohej pa leje në mes të Beratit.
Materialet procedurale i janë referuan Prokurorisë së Beratit, për veprime të mëtejshme, për veprën penale “Ndërtimi i paligjshëm”.
