Tetë persona janë arrestuar dhe tre të tjerë janë proceduar penalisht në Elbasan, pasi u kapën në një aktivitet prostitucioni në dy apartamente të marra me qira në qytet.
Sipas njoftimit zyrtar, janë arrestuar:
Dy shtetas kinezë, K. Ch., 44 vjeç, dhe R. C., 38 vjeçe, të dy të dyshuar për veprat penale “Shfrytëzimi i prostitucionit” dhe “Falsifikimi i vulave, stampave ose i formularëve”, kryer në bashkëpunim.
Tre shtetase, dy braziliane dhe një kineze, respektivisht L. N., 46 vjeçe, B. G., 52 vjeçe dhe E. S., 23 vjeçe, të dyshuara për ushtrim prostitucioni.
Tre shtetas shqiptarë, A. P., 38 vjeç, L. T., 38 vjeç dhe R. F., 28 vjeç, të kapur në flagrancë në ambientet ku ofroheshin shërbimet seksuale kundrejt pagesës.
Po ashtu, janë proceduar penalisht dy pronarët e apartamenteve, A. V., 46 vjeç dhe B. H., 36 vjeçe, si dhe sanitarja O. T., 19 vjeçe, për veprën penale “Mbajtja e ambienteve për prostitucion”.
Nga kontrolli në apartamente u sekuestruan shuma parash në valuta të ndryshme, dokumente identifikimi, letërnjoftime, vula të dyshuara false dhe 10 telefona celularë.
