Tirana do të luajë ditën e sotme një tjetër ndeshje miqësore. Skuadra e drejtuar nga trajneri Vangjel Mile do të përballet me kampionët e Kategorisë së Dytë (Grupi A) në sezonin e shkuar, Ilirinë.
Kjo ndeshje do të luhet pasditen e sotme, duke nisur nga ora 18:00. Ndërkohë që impianti që do të presë këtë miqësore luksi, do të jetë stadiumi “Redi Maloku”, i cili ndodhet në Fushë-Krujë.
“Bardheblutë” do të kërkojnë kthesën në këtë miqësore, pas humbjes 2-3 ndaj Lirisë së Prizrenit, që drejtohet nga Klodian Duro. Në krahun tjetër, Iliria do të ketë mundësinë për të provuar afrimet e reja.
