Policia e Sarandë ka reaguar lidhur me pamjet e publikuara në media, ku disa persona shfaqeshin duke u rrahur me njëri-tjetrin me sende të forta si shkopinj dhe baleta druri
Ngjarja ka ndodhur rreth orës 01:30 të 24 Korrikut në mes të shetitores, pranë kalimtarëve që u gjendën të trembur përballë situatës së papritur dhe kaotike.
Autoritetet thonë se protagonistët e videos janë dy grupe shtetasish italianë, të cilët nga hetimet ka rezultuar se janë përfshirë në një konflikt për motive të dobëta. Pesë prej tyre janë shpallur në kërkim, të cilët akuzohen se kanë dhunuar tre të tjerë.
Më konkretisht, janë shpallur në kërkim shtetasit italianë: G. T., 23 vjeç, M. A., 20 vjeç, S. D., 60 vjeç, A. L., 19 vjeç, S. B., 19 vjeç, të gjithë banues në Napoli, Itali.
“Këta 5 shtetas janë konfliktuar dhe kanë goditur me sende të forta shtetasit italianë G. M., 19 vjeç, F. D., 22 vjeç, L. D., 20 vjeç, të gjithë banues në Avelino, Itali.” – thuhet në njoftimin e autoriteve.
Ndërkohë, është proceduar penalisht edhe shtetasi italian E. G., i cili nga verifikimet ka rezultuar se ushtronte aktivitet të paligjshëm për shitje biletash për festa, pa lejen përkatëse, si dhe kishte punësuar në këtë aktivitet shtetas të pasiguruar.
Materialet procedurale janë referuar në Prokurori, për veprime të mëtejshme.
Saranda “në luftë”/ Tritol, armë, plagosje e sherre, qyteti i Prodës bëhet i pajetueshëm!
