Nga Basir Çollaku
Duket se vetëm këto 4-E janë në qarkullim natyrisht të lidhura me të fundit. Me marrjen të pandehur zyrtarisht të Erion Veliajt dje e-Spak duhet të kishte shkuar më tej se një formalitet ptocedurial. Mundej të kërkonte ndërprerjen e ligjshkeljes nga e-rama ku i pandehuri në një lloj amnistie të re qëndron ende në krye të Bashkisë së Tiranës. Kërkesa për shkarkim dhe zëvëndësim siç përcaktojnë ligjet për pushtetin vendor dhe Kushtetuta edhe sajohej. Po në këtë e-rama pezull rrinë mjaft vepra penale të cilat e-spak nuk është se po i sheh aspak. Kryebashkiaku i Shkodrës është zyrtarisht i pandehur. Ai i Tropojës njëlloj. Veliajt iu komunikuan zyrtarisht akuzat dhe ngutja, afatet apo diçka më tepër flasin me heshtjen. Pastrim parash fshehje pasurie akuza për çiftin Veliaj-Xoxe.
Njollat e errëta të hetimit janë aty për shumë pyetje pa përgjigje, as nga dosja, as nga prokurorët apo gjyqtarët, në vendimet e deritanishme.
Pasuri e fshehur?!
Pasuri e pastruar?
Nga kanë ardhur këto prona e para të pajustifikuara?!
Pra sipas Strukturës së Posaçme, asnjë qindarkë nga 430 milionë eurot e inceneratorit të Tiranës, nuk ka shkuar te pasuria e fshehur dhe e pastruar e Veliajt?! Ndonëse është kërkuesi, lejuesi dhe regjia e kësaj ortakërie?! Sepse kjo dosje nuk e ka përfshirë në akuzë bashkiakun drejtues nga qelia!
Asnjë qindarkë nga 5D?!
Asnjë euro nga Eco Tirana?
Asnjë kacidhe nga dosja e ndërtimeve të Ndranghetta?!
Asnjë kusur nga Teatri Kombëtar i shembur?!
Asnjë monedhë nga lejet për miliona metër katror ndërtime?!
Asnjë prekje kund për një pafundësi tenderash?! As për gjoja miliona pemë të çpyllit çorbital e miliona euro?! As nga bizneset e të vëllait lidhur me shumë punë bashkiake?! As nga projektet e bashkëshortes lidhur me firmën e kryetarit apo ministrive e ambasadave? Mospërfshirja në një grup të strukturuar me një pafundësi dosjesh ku batërdia kërcet, është një amnisti e e-spak me leje nga e-rama. Për të dërguar mesazh grupeve se duhet të riformatojnë kërkesat dhe dërgesat e-rama dërgon në e-spak e-agasin, përndryshe koordinatorin e grupeve të zonës gri dhe të zezë. Këto dy ditë e-agasi po rrëfen histori duhani ndonëse tymi i cigareve mund të dalë te e-kokaina dhe sky-enchro. Aty ku kokaina dhe pastrimi i parave janë me medalje ari. Në prag të nisjes së qeverisë e-bandat i kërkojnë e-ramës të frenojë e-spak sepse po ndërtojnë e-albanian së bashku. Ndaj dhe e-agasi ose përndryshe koordinatori duhet trembur disi, për të testuar çunat pasi precedenti e-gjushi është aty, duke shkuar në burg ndonëse ishte akullore e konfirmuar nga e-rama. . Sepse e-agasi denonconte Ahmetaj vente vinte në kokëministri duke qenë banorë përfaqësues për baronë në ziafetet në dhomën e luleve. Sigurisht KM është në një hall mbi përvëlimin e motit. Thethi, Valbona, Lura janë fasoneria strategjike e premtuar dhe dhuruar me paketë malesh në e-albania nga e-rama?! Në e-spak janë në listë pritje Balla, Balluku, Gjiknuri, Tërmeti, e mjaft të tjerë të cilët kur të shkojë kodi nga e-rama do të shndërrohen në fletë të reja të Kurbanit. Siç po ngjet me bashki-kioskat e e-ramës. Ndoshta vjeshta do të merret me rënie jo thjeshtë natyrale gjethesh..Ndoshta..Kontrolloni e-shërbimet se e mbush shejtani..Thjesht duhet një e-prokuror e një e-gjykatës me vegla hekuri jo si të Veliajt…
