Shkëndija e Tetovës ka marrë një rezultat historik përballë Steauas së Bukureshtit. Kampionët e Maqedonisë së Veriut fituan 1-0 në ndeshjen e parë të turit të dytë të Champions League.
Në ndeshjen e tyre si vendës, Shkëndija iu gëzua golit të Alhasan me kokë në minutën e 65-të. Ndeshja u tensionua pas shënimit të golit, ndërsa Qaka nga Shkëndija dhe Tanase i Steauas u larguan me karton të kuq për ndërhyrje të parregullta.
Dhe pse Shkëndija nuk konsiderohej aspak favorite, ky rezultat i jep besim për ndeshjen e kthimit në Rumani. Në rast se Shkëndija kalon këtë tur, atëherë minimalisht ka të siguruar grupet e Ligës së Konferencës.
