Një vatër zjarri është ndezur mbrëmjen e sotme në pyjet e fshatit Mamëz, në njësinë administrative Ujmisht të Kukësit.
Era e fortë po favorizon përhapjen e flakëve, ndërkohë që retë e dendura të tymit kanë mbërritur deri mbi qytetin e Kukësit.
Për shkak të terrenit të thyer malor, nuk është e mundur ndërhyrja me automjete zjarrfikëse.
Deri tani nuk ka informacion zyrtar mbi shkakun e zjarrit, ndërsa sipas burimeve paraprake, janë djegur disa hektarë me pyje dushku dhe bimësi të dendur.
