Tenderi për rikonstruksionin e Pallatit të Sportit “Tama Nikolla” në Korçë me fond limit 250 milionë lekë apo 2.5 milionë euro prokuruar nga Fondi Shqiptar i Zhvillimit ka përfunduar së fundmi në Komisionin e Prokurimit Publik i ankimuar nga një subjekt për fazën e vlerësimit.
Procedura e hapur në maj dhe mbyllur në qershor ka në objekt “Investime për transformimin e aseteve publike me potencial zhvillimi në modele të standardit më të lartë të zhvillimit: “Rikonstruksion objekti ekzistues i pallatit të sportit “Tamara Nikolla”.
Ankimi nuk shoqërohet ende me shkresën publike të tij por sipas klasifikimit kundërshtimi duket se lidhet me procesin e vlerësimit. Ky i fundit nxori fitues bashkimin e operatorëve XHENGO SHPK dhe ERGI shpk me një ofertë 193 milionë lekë ndërkohë që ankimuesi është LIS Konstuksion. Në procedurë sipas njoftimit paraprak të fituesit në sistemin e APP rezulton të kenë qenë pjesëmarrës të paktën 22 operatorë.
Çfarë parashikon projekti
Projekti i FSHZH sipas relacionit arkitektonik parashikon ndërhyje në pallatin e sportit për ta sjellë atë në nivele të përshtatshme ku mund të luhen jo vetëm të nivelit kombëtar por rajonal.
“Rikonstruksion objekti ekzistues i Pallatit të Sportit “Tamara Nikolla”, shtesë një kat mbi objektin ekzistues, Korçë, ka për qëllim
Rikonstruksionin e ndërtesës duke ruajtur volumin e objektit të pallatit të sportit, dhe elementëve arkitektonikë të fasadës që e dallojnë për tipologjinë dhe kohën kur është ndërtuar dhe synon përmirësimin e qëndrueshmërisë së objektit ekzistues.
Riorganizim dhe shtim i ambienteve me qëllim funksionimin e një skeme optimale për përmirësimin e standardeve FIBA, FIVB, që objekti do të ofrojë.
Përmirësimin e kushteve teknike bazuar mbi standarde kombëtare dhe ndërkombëtare duke ju referuar normativave të kërkuara nga FIBA dhe FIVB, si pajisjet, instalimet dhe cdo gjë që lidhet me përmirësimin e komoditetit termik, akustik, sigurinë ndaj zjarrit etj.
Ky objekt nuk do të shërbej vetëm për ndeshje kombëtare por dhe për ndeshje në nivel Ballkani./ Monitor.al
Lexo edhe:
Tender i paracaktuar? Leli Kaja, gjysmë mln euro për menaxhimin e “mbretërisë së plehrave”
Lexo edhe:
Hetimi/ “Eco-Elb” i dha 400 mijë euro, “Ergi” dyshohet për keqmenaxhimin e landfillit Elbasan
