Një i ri me precedentë penalë dhe i dënuar më parë për vjedhje është arrestuar nga Policia e Durrësit, pasi akuzohet se u ka grabitur tre grave varëset e floririt nga qafa.
Në kuadër të operacionit policor të koduar “July” është vënë në pranga shtetasi Hasan Zylfa, 29 vjeç, banues në fshatin Rrashbull, i akuzuar për veprën penale “vjedhja me dhunë”.
Nga hetimet dyshohet se ky shtetas:
-më datë 01.07.2025, i ka marrë me dhunë nga qafa, varësen e floririt, një shtetaseje 59 vjeçe
-më datë 14.07.2025, i ka marrë me dhunë nga qafa, varësen e floririt, një shtetaseje 25 vjeçe
-më datë 16.07.2025, i ka marrë me dhunë nga qafa, varësen e floririt, një shtetaseje 46 vjeçe
Policia thotë se vijon puna për dokumentimin e vjedhjeve të tjera që mund të jenë kryer nga ky shtetas. Autoritetet kanë ndarë edhe pamje filmike nga krimet e kryera nga i dyshuari, që do shërbejnë edhe si provë materiale.
