“Në shtatorin e këtij viti, futja e fesë në arsimin shqiptar do të jetë një përvojë unike”, kështu është shprehur Ambasadori i Francës në vendin tonë, Bernard Fitoussi.
Ai ka deklaruar se Shqipëria është një vend besnik në luftën kundër terrorizmit, ndërkohë që armët më të forta ndaj këtij fenomeni janë bashkëpunimi dhe shkëmbimi i informacioneve. Sipas ambasadorit, Shqipëria është vend besnik me luftën kundër terrorizmit. “Shqipëria është vend besnik me luftën kundër terrorizmit. Të dielën u zhvilluar dita e profetit Muhamet, pra nuk ka asnjë lidhje mes muslimanëve që jetojnë çdo ditë në mënyrë të paqtë dhe xhihadistëve që abuzojnë pas besimit. Të rinjtë janë rekrutuar përmes internetit. Armët tona në luftën kundër terrorizmit janë bashkëpunimi dhe shkëmbimi i informacioneve. Të parandalohet që në shkolla”, ka thënë ai.
Këto deklarata ambasadori i Francës i bëri gjatë një seminari për luftën kundër terrorizmit ku ishte e pranishme edhe Zv.ministrja e Brendshme, Elona Gjebrea e cila ka thënë se, institucionet shqiptare kanë shtuar vëmendjen ndaj terrorizmit ku e kanë bërë drejtorinë e anti-terrorit ndër më të mëdhatë në Ballkan.
