Një banore e kompleksit “Mond i Rikes” në Golem të Kavajës ka ngritur shqetësimin për ndotjen e rëndë që shkakton një kanal që kalon përpara vilës së saj dhe që vazhdon të derdhë ujëra të zeza.
Sipas denoncimit të dërguar për JOQ, pavarësisht se zona është pajisur me sistem kanalizimi, kanali i jashtëm vazhdon të ndotë ajrin dhe mjedisin, duke krijuar kushte të pasigurisë shëndetësore për banorët e zonës.
Era e keqe është një problem i vazhdueshëm, që përkeqësohet nga prania e ujërave të ndotura që rrjedhin në det pranë Hotel Grint. Për më tepër, një pjesë e kanalit është mbuluar me beton nga një pallat që po ndërtohet në afërsi, i cili, sipas denoncueses, ka shkaktuar një ndotje të thellë dhe ka krijuar kushte të vështira për jetesën.
“Pershendetje desha te bej nje denoncim por te mbetem anonim se me kete milet qe eshte ketu ke dhe frike te flasesh . une jam nje banore me qe jetoj ne nje vile tek pishta e buta ne golem ne afersi te hotel grint eter pinea etj. kemi me shume se 25 vjet qe jetojme ne kete vile qe ndodhet ne kompleksin e mondit te rikes keshtu inka mbetur emri sepse keshtu quhesh ndertuesi . kemi nje kanal perpara viles qe pavaresisht se ne zone jane nere kanalizimet vazhdojne dhe derdhin ujrat e zeza hotelet perrreth apo dhe nuk e di ekzaktesisht kush se nuk e evidentojme dot . zona mban nje ere te qelbur qe kur hyn ne rruge dhe rreth e rrotull kompleksit. eshte dhe burim infeksionin se ky kanal ka nje rrjedhje ne det afer hotel grint. gjysmen e kanalit e ka mbuluar me beton ky pallati qe po ndërtohet qe ka qelb dynjane dhe ky tre vjet zhul. nejse hallin e kam te kanali se na qelbi faleminderit.” – shkruan denoncuesi.
