Një kurorë me lule, është lënë në portën e banesës së prindërve të Emiljano Nikës, drejtor i IKMT-së Shkodër. Ngjarja është regjistruar në fshatin Sektor të Velipojës dhe është denoncuar menjëherë në polici.
“Më datë 18.07.2025, shtetasi E. N., 44 vjeç, banues në Shkodër, ka kallëzuar se në banesën ku jetojnë prindërit e tij, në fshatin Sektor, Velipojë, është vendosur një kurorë me lule mbi kangjellat e portës. Vijojnë hetimet për zbardhjen e plotë të rrethanave dhe identifikimin e autorit”, njofton policia.
Materialet janë referuar në Prokurorinë pranë Gjykatës së Shkallës së Parë Shkodër për veprime të mëtejshme.
Nika është një nga zyrtarët që ka drejtuar aksionin për shembjen e ndërtimeve pa leje në zonën e mbrojtur të Thethit një operacion që ka hasur kundërshtime të forta nga banorët e zonës, të cilë nuk kanë kursyer as akuzat nga IKMT-së që i kanë dhënë rryshfet për lejimin e ndërtimeve pa leje.
Gjatë intervistave televizive, banorët e Thethit pranuan se kishin dhënë miliona lekë për lejimin e ndërtimit pa leje, duke përmendur dhe vetë emrin e Emiljano Nikës si përgjegjës në këtë situatë.
