Real Madrid deri në këtë pikë të merkatos verore ka shpenzuar 180 milionë euro. Por “Galaktikët” nuk kanë ndërmend të ndalen me kaq. Emri i ri që po qarkullon në “Santiago Bernabeu” është ai i mesfushorit të Interit, Nicolo Barrela.
Trajneri Xabi Alonso pas dëmtimit të Jude Bellingham gjendet në panik për repartin e mesfushës dhe kërkon prej bordit një zvëendësues të denjë. Barrela i plotëson kërkesat e Alonsos, çka do të thotë se një “sulm” mund të ndodh në ditët në vijim.
Ama nga ana tjetër për zikaltërit, Barrela cilësohet si “motorri” i ekipit dhe do jetë shumë e vështirë, por mos të thënë e pamundur që Cristian Chivu t’a lëshojë 28-vjeçarin. Kartoni i “regjizorit” të Interit sipas “Transfermarkt” është 75 milionë euro, teksa ka kontratë me skuadrën deri në 2029.
