Një incident i rëndë ka ndodhur gjatë një feste në qytetin e Dyseldorfit, në Gjermani, ku 19 persona kanë mbetur të plagosur si pasojë e shpërthimit të pakontrolluar të fishekzjarrëve. Katër prej të plagosurve ndodhen në gjendje kritike, ndërsa mes tyre raportohet të jetë edhe një fëmijë.
Sipas dëshmitarëve, disa nga fishekzjarrët devijuan nga trajektorja dhe shpërthyen në tokë, mes turmës, duke shkaktuar panik dhe plagosje të shumta. Zhurmat e shpërthimeve janë dëgjuar si në ajër, ashtu edhe në tokë.
Autoritetet gjermane kanë nisur hetimet për të përcaktuar shkaqet e sakta të ngjarjes dhe për të zbuluar nëse ka pasur shkelje të protokolleve të sigurisë gjatë përdorimit të fishekzjarrëve.
