Duket se situata e zjarreve në vendin tonë vijon të rëndohet, teksa me dhjetëra hektarë janë shkrumbuar nga flakët.
Ditën e sotme një vatër zjarri është aktivizuar në një sipërfaqe kodrinore në fshatin Cërravë të Pogradecit.
Aktualisht vatra është tepër e gjerë ndërsa po favorizohet edhe nga era.
Kodra është kryesisht me bimësi të ulët, ndërsa flakët po përhapen masivisht, duke shkrumbuar një sipërfaqe të madhe.
Po ashtu u bë me dije se në vendgjarje ka prani të zjarrëfikësve.
